Բելգիայում կայացած ընտրությունների արդյունքների մի մասը կորել է համակարգչային խնդրի պատճառով

11:57 • 26.05.14

Բելգիայում խորհրդարանական ընտրությունների արդյունքներն ընտրատեղամասերի մոտ 10%-ում անհետացել են՝ համակարգչային խափանման պատճառով, տեղեկացնում է Взгляд-ը։


Համակարգչային խնդրի պատճառով ընտրական հանձնաժողովը չի ստացել տվյալներ Բելգիայի հարավային մասից` Վալլոնիայից, և Բրյուսելի որոշ ընտրատեղամասերից։


Այդ կերպ, ընդհանուր հաշվարկով, անհետացել է ողջ երկրի տեղամասերի 10%-ի տվյալները։


Թագավորության ներքին գործերի նախարար Ժոել Միլկեն հավաստիացրել է, որ ծրագրավորողներն աշխատում են խնդրի վրա և մոտ են լուծմանը։


Նախնական տվյալներով՝ 4.5 մլն բնակչություն ունեցող ֆրանսախոս Վալլոնիայում հաղթել է երկրի վարչապետ Էլիո Դի Ռուպոյի Սոցիալիստական կուսակցությունը՝ հավաքելով ընտրողների 30%-ի ձայները։


6.5 մլն բնակչությամբ հոլանդախոս Ֆլանդրիայում մեծ տարբերությամբ հաղթել է Նոր ֆլամանդական դաշինքը՝ ստանալով ձայների 33%-ը։