Եգիպտոսում նախագահ են ընտրում
Եգիպտոսում մեկնարկել են նախագահի ընտրությունները, հայտնում է Reuters-ը:
Քվեարկությունը կտևի երկու օր:
Հստակեցվում է, որ եթե ընտրությունների ընթացքում հայտնի չդառնա հաղթողը, ապա կկայանա երկրորդ փուլ:
Մասնագետների կարծիքով՝ երկրի նախագահի պաշտոնին գլխավորապես հավակնում է պաշտպանության նախկին նախարար Աբդել Ֆաթթահ ալ-Սիսին: Նա ամենից մեծ ժողովրդականությունն է վայելում Եգիպտոսի բնակչության շրջանում և համարվում է ընտրությունների ֆավորիտը:
Gazeta.ru-ն հայտնում է, որ Մահալա ալ-Կուրբա քաղաքում ընտրությունները նշանավորվել են ընտրատեղամասում ինքնաշեն ռումբի պայթյունով։










