Հրվ. Կորեայի իշխանությունները 500.000 դոլար են խոստանում «Սևոլ» նավի սեփականատիրոջ մասին տեղեկության համար
Հարավային Կորեայի իշխանությունները 500.000 դոլար են խոստանում տեղեկության համար, որը կօգնի հայտնաբերել խորտակված «Սևոլ» նավի սեփականատեր Յու Բեն Ընին, հայտնում է rbc.ru-ն՝ հղում անելով New York Times-ին։
Դատախազությունը ենթադրում է, որ սեփականատերը և նրան պատկանող ընկերությունը հրաժարվել են նավի վերանորոգումից, ինչն էլ հանգեցրել է աղետի։ Յու Բեն Ընին մեղադրում են նաև փողերի լվացման, հարկերից խուսափելու և հանցավոր անփութության համար։
Հիշեցնենք, որ ապրիլի կեսերին 476 ուղևորով «Սևոլ» նավը, որոնց մեծամասնությունը եղել են դպրոցականներ և ուսուցիչներ, խորտակվել է Հարավային Կորեայի ափերի մոտ։ Փրկվել հաջողվել է միայն 174 ուղևորի։










