ԵՄ-ն չի բացառում, որ մինչև տարեվերջ Ուկրաինայի հետ անայցագրային ռեժիմ կսահմանի

12:48 • 26.05.14

Ուկրաինայում Եվրոպական միության ներկայացուցչության ղեկավար Յան Տոմբինսկին ենթադրում է, որ Ուկրաինայի և ԵՄ-ի միջև այցագրային ռեժիմը կարող է չեղարկվել մինչև տարեվերջ։

 

Ինչպես նշում է Взгляд-ը, պաշտոնյայի խոսքով՝ հունիսի 2-ին ԵՄ-ի անդամ երկրները գնահատելու են Ուկրաինայի արձանագրած առաջընթացը անայցագրային ռեժիմին անցնելուն ուղղված ծրագրի շրջանակներում։

 

Ուսումնասիրելով Կիևի արձանագրած արդյունքները՝ այդ երկիրը կկարողանա անցում կատարել ծրագրի 2-րդ փուլ։
«Երկրորդ փուլից հետո, ինչպես եղավ Մոլդովայի պարագայում, մի քանի ամսից, հնարավոր է, Ուկրաինայի հետ հաստատվի անայցագրային ռեժիմ»,-ասել է Տոմբինսկին։