Volkswagen-ը թողարկել է Beetle-ի հատուկ տարբերակը (լուսանկարներ)

Գերմանական Volkswagen մեքենաշինական ընկերությունը ներկայացրել է հանրահայտ «բզեզի» հատուկ տարբերակը՝ Beetle Cabriolet Karmann Edition-ը, որն արտադրողը նվիրել է գերմանական Karmann անկախ ընկերությանը։

Ինչպես նշում է rbc.ru-ն, նոր մոդելը հասանելի է 7 գունային երանգով։ Այն համալրված է 18 դյույմանոց անվահեծերով, սպորտային ոճի հարմարավետ նստատեղերով, կաշվեպատ ղեկով։ Դռների վրա առկա է Karmann գրությունը։

Թե որքան կարժենա «բզեզ կաբրիոլետը», դեռևս հայտնի չէ։ Աղբյուրը հավելում է, որ 1949-1980թթ. Karmann-ը զբաղվել է այդ մոդելի կաբրիոլետների արտադրությամբ։