Եղանակն՝ այսօր
Կրթական աննախադեպ օրենսդրական փաթեթ է ընդունվել, որով մեր ուսանողների համար ստեղծվում են կայուն սոցիալական երաշխիքներ. Աշոտյան
ՀՀ կրթության և գիտության նախարար Արմեն Աշոտյանը ֆեյսբուքյան իր էջում հիշեցնում է, որ Նախագահ Սերժ Սարգսյանն այսօր ստորագրել է Ազգային ժողովի ընդունած՝ «Կրթության մասին» ՀՀ օրենքում փոփոխություններ կատարելու մասին և «Բարձրագույն և հետբուհական մասնագիտական կրթության մասին» ՀՀ օրենքում փոփոխություն և լրացումներ կատարելու մասին ՀՀ օրենքները, որպեսզի ուսանողներն առավել տեղեկացված լինեն իրենց իրավունքների և նոր հնարավորությունների մասին:
Նախարարը, մասնավորապես, գրել է. «Սիրելի´ ուսանողներ,
Նախագահ Սերժ Սարգսյանն այսօր ստորագրել է Ազգային ժողովի ընդունած «Կրթության մասին» ՀՀ օրենքում փոփոխություններ կատարելու մասին և «Բարձրագույն և հետբուհական մասնագիտական կրթության մասին» ՀՀ օրենքում փոփոխություն և լրացումներ կատարելու մասին ՀՀ օրենքները:
Հիշեցնեմ, որ սա Հայաստանի ողջ պատմության մեջ աննախադեպ օրենսդրական փաթեթ է, որով մեր ուսանողների համար ստեղծվում են կայուն սոցիալական երաշխիքներ և բարձրագույն կրթության առավել ընդգծված մատչելիություն:
Թվարկեմ օրենքների ընդամենը մի քանի դրույթներ`
ա. Կառավարության կողմից բուհերի ուսման վարձերի վերին շեմ կսահմանվի:
բ. Պետական բուհերն իրենց հատկացված անվճար տեղերի 10 տոկոսի չափով պարտավոր են տրամադրել անվճար կրթություն` պետության համար գերակա համարվող մասնագիտություններով:
գ. Բուհերի բյուջեների առնվազն՝ 7 տոկոսը պետք է ուղղվի ուսանողական զեղչերին:
դ. Օրենքով երաշխավորվում են ֆիքսված ուսանողական զեղչեր սոցիալապես խոցելի խմբերի համար:
ե. Այս ամենը կգործի լավ առաջադիմություն ունեցող ուսանողների համար:
Եվս մեկ կարևոր քայլ կատարեցինք, որպեսզի ոչ մի լավ սովորող ուսանող չզրկվի բարձրագույն կրթության հնարավորությունից:
Օրենքի մանրամասներին առաջարկում եմ ծանոթանալ նրանց հրապարակումից հետո»:
Studio One