Համացանցում հայտնվել են գերբարակ iPhone 6-ի առաջին լուսանկարները

Չինական կայքերից մեկը հրապարակել է սպասվելիք iPhone 6-ի լուսանկարները, որոնցում պատկերվում է սմարթֆոնի մետաղական պատյանը:

Ինչպես գրում է Business Insider-ը՝ այս անգամ, ինչպեսև նախորդ անգամ, համացանցում հայտնված լուսանկարներում սմարթֆոնի պատյանը կանաչ երանգ ունի: Նախորդ անգամ նշվում էր, որ դա ո´չ թե մետաղի, այլ՝ էկրանի ժապավենի գույնն է: Համենայն դեպս՝ նշվում է, որ iPhone 6-ը կանաչ գույնով չի ներկայանա:

Լուսանկարներում, որոնք հրապարակվել են Xiaolong Tea House կոչվող կայքում, երևում է, թե որքան բարակ է լինելու վեցերորդ սերնդի iPhone-ը: Հրապարակված լուսանկարներում երևում է նաև ամերիկյան տեխնոլոգիական հսկայի նորագույն արտադրանքի էկրանի մեծությունը, որն, ըստ երևույթին, 4.7 դյույմ անկյունագիծ ունի: