Վերդիի «Տրավիատա» օպերան կատարել են իսրայելական անապատում (լուսանկարներ)

Իսրայելում կայացել է օպերային փառատոնի բացումը։ Մասադա լեռան ստորոտին, որի գագաթին Հերովդես արքան կառուցել է առասպելական ամրոցը, հնչել է Ջուզեպպե Վերդիի «Տրավիատա» օպերան համաշխարհային աստղերի և Ռիշոն լե Ցիոն քաղաքի սիմֆոնիկ նվագախմբի կատարմամբ, գրում է ԻՏԱՌ-ՏԱՍՍ-ը։

«Ես երազում եմ այն մասին, որ այս փառատոնը դառնա ամենակարևորներից մեկն աշխարհում, քանի որ այս վայրը յուրահատուկ է, մեկ այլ նման վայր դուք չեք գտնի»,- ասել է դիրիժոր, իսրայելական օպերայի երաժշտական տնօրեն Դանիել Օրենը։

Ռեժիսոր Միխայիլ Զվանեցկու բեմադրությանը մասնակցել է մոտ 700 դերասան։ Գլխավոր դերում հանդես է եկել ռումինացի երգչուհի Էլենա Մոզուչը, նրա երկրպագուի դերը կատարել է իտալացի բարիտոն Ջորջիո Բերուջին։

Հատուկ փառատոնի համար անկենդան անապատում հայտնվել է օպերային քաղաք՝ փողոցներով և սրճարաններով։ Տրիբունաներում տեղավորվել է ավելի քան 7.500 մարդ։

Մասադան ներառված է ՅՈՒՆԵՍԿՕ-ի համաշխարհային ժառանգության ցուցակում, օպերային փառատոնն այստեղ անցկացվում է վերջին 5 տարվա ընթացքում արդեն 4-րդ անգամ։