Բեյոնսեն աշխարհի ամենաազդեցիկ հայտնի մարդը՝ ըստ Forbes-ի (լուսանկարներ)

Երգչուհի Բեյոնսեն դարձել է աշխարհի ամենաազդեցիկ աստղը Forbes ամսագրի վարկածով: Հենց այդ երգչուհին է գլխավորել ամսագրի ամենամյա վարկանիշային ցուցակը:

Բեյոնսեն կարողացել է զբաղեցնել առաջին հորիզոնականը՝ շնորհիվ 95 շոուից բաղկացած իր մասշտաբային համերգային շրջագայության: Երգչուհին միջինը մեկ համերգի համար աշխատել է 2,4 միլիոն դոլար: Բեյոնսեն նաև մեծ եկամուտներ է ստանում խոշոր ընկերությունների հետ (H&M, Pepsi և այլն) կնքած պայմանագրերի շնորհիվ:

Բացի այդ, երգչուհին թողարկում է օծանելիքի սեփական շարքը: Բեյոնսեին է պատկանում նաև House of Dereon ընկերությունը, որը զբաղվում է հագուստի, կոշկի և աքսեսուարների վաճառքով: Ընդհանուր առմամբ՝ 2013 թվականի հունիսի 1-ից մինչև 2014 թվականի հունիսի 1-ը երգչուհին, Forbes-ի հաշվարկով, աշխատել է 115 միլիոն դոլար:

Երգչուհու ամուսինը՝ ռեփեր և պրոդյուսեր Jay-Z-ն նոր վարկանիշային ցուցակում զբաղեցրել է վեցերորդ տեղը՝ 60 միլիոն դոլար եկամուտով:

Ցանկը կազմելիս Forbes-ը հաշվի է առել ոչ միայն աստղերի եկամուտը նշված ժամանակահատվածում, այլև ուսումնասիրել է այնպիսի տվյալներ, ինչպես ԶԼՄ-ներում և սոցցանցերում հիշատակումների քանակը:

Վարկանիշային ցուցակի առաջին տասնյակն ունի հետևյալ տեսքը.

1. Բեյոնսե

2. Լեբրոն Ջեյմս

3. Dr. Dre

4. Օփրա Ուինֆրի

5. Էլեն Դեջեներես

6. Jay-Z

7. Ֆլոյդ Մեյուեզեր կրտսեր

8. Ռիհաննա

9. Քեթի Փերի

10. Ռոբերտ Դաունի կրտսեր