Ես անպայման կամուսնանամ քեզ հետ, ծայրահեղ դեպքում՝ կզանգվենք. Չելենտանոյի ամենասրամիտ արտահայտությունները՝ ֆիլմերից

 Իտալացի հայտնի դերասան ու երգիչ Ադրիանո Չելենտանոն իր երկարամյա կարիերայի ընթացքում հասցրել է գրավել անթիվ-անհամար կանանց սրտեր։ Այդ հարցում ոչ կատարյալ արտաքինով Չելենտանոյին շատ է օգնել նրա անսահման հմայքը։

 

Սակայն տաղանդավոր իտալացին հիացնում է ոչ միայն դերասանական խաղով, ձայնով, շարժուձևով, այլև տարբեր ֆիլմերում հնչեցրած անչափ զավեշտալի ու սրամիտ արտահայտություններով։
 

AdMe.ru կայքն ուշագրավ ֆոտոշարքով ներկայացրել է Չելենտանոյի մասնակցությամբ ֆիլմերից լավագույն արտահայտությունները։ Դրանք կարդալով՝ կարելի է ոչ միայն անդադար ծիծաղել, այլև զարմանալ, թե ինչպիսի հմտությամբ է այդ մարդը կարողանում գրավել հակառակ սեռին։

 

- Քանի՞ տարեկան եք։

- Չեմ հիշում։

- Ես ավելի քիչ կտայի։

 

- Սիրելիս, մենք արդեն 3 տարի շփվում ենք, և այդ ընթացքում դու ընդամենը 2 անգամ ես առաջինն ինձ զանգահարել։

- Համաձայն եմ։ Ես մի տեսակ չափն անցել եմ։

 

- Կամ կանենք այնպես, ինչպես ես եմ ասում։

- Կա՞մ։

- Կամ ինչպես ես եմ ասում, այնպես կանենք։

 

 

- Մի որոշ ժամանակ ինձ մոտ կապրես, իսկ առավոտյան տուն կգնաս։

 

 

- Ես ուզում եմ միայն քեզ հետ լինել։

- Իսկ ո՞րն է խնդիրը։

- Բա մյուսներին ի՞նչ անեմ։

 

 

- Ուղղակի ես սիրում եմ, երբ ինձ սիրում են։ Դե դա շատ է դուրս գալիս. հիանալի բան է։ Ընդհանրապես, բոլորին խորհուրդ եմ տալիս սիրել ինձ։

 

 

- Իսկ ինչո՞ւ են քեզ այդքան հետաքրքրում հանգստյան օրերի հետ կապված  իմ ծրագրերը։

- Ուղղակի մտածում եմ ո՞ւր գնալ, որ քեզ չհանդիպեմ։

 

 

- Գիտե՞ս, ինչպես հետաքրքրություն առաջացնել։

- Ինչպե՞ս։

- Վաղը կասեմ։

 

- Կարծում էի՝  չեմ կարող շնչել առանց նրա։ Պարզվեց՝ մրսած էի։

 

- Ես անպայման կամուսնանամ քեզ հետ, ծայրահեղ դեպքում՝ կզանգվենք։

 

 

- Ինչպիսին է լինելու քո դրական պատասխանը։

 

- Ազա՞տ ես երկուշաբթի ժամը 5-ին։

- Այո՛։

- Ափսոս, ես զբաղված եմ լինելու։

 

 

- Եթե ինձ դոլար տային ամեն անգամ, երբ մտածում եմ քո մասին, ապա ես կսկսեի մտածել քո մասին։

 

 

- Դու ինձ սիրո՞ւմ ես։

- Այո՛։

- Ինչպե՞ս։

- Մահու չափ։

- Իսկ ես կարծում էի ավելի շատ։

 

 

- Ամուսնացիր ինձ հետ։

- Տղամարդը ,ում հետ ես կամուսնանամ, պետք է  խիզախ ու խելացի լինի։

- Իսկ դու չե՞ս հիշում, ինչպես քեզ փրկեցի, երբ խեղդվում էիր։

- Դե, այո, դու խիզախ ես, բայց դա դեռ չի նշանակում, որ նաև խելացի ես։

- Իսկ ի՞նչ ես կարծում, ո՞վ էր շրջել նավը։

 

 

- Դու այնքան բարի, հմայիչ ու սիրուն ես. իսկական մակաբույծ։

 

 

- Ես վերադարձա ասելու, որ դու աննորմալ, անդաստիարակ, կնատյաց ու բռի ես։

- Ուրիշ էլ ի՞նչ։

- Բացի այդ դու նաև գլուխգովան ես։

- Պարզ է, դու սիրահարվել ես ինձ։

 

- Մի՛ փնտրեք իդեալական մարդու։ Այսօր ես տանն եմ։