«Գաղտնի նյութերի» հեղինակը նոր սերիալ կներկայացնի

2015-ին «Գաղտնի նյութեր» սերիալի հեղինակ Քրիս Քարթերը նոր սերիալ կներկայացնի, հայտնում է Associated Press-ը:

Նոր սերիալը՝ «Հաջորդիվ» վերնագրով, ևս գիտա-ֆանտաստիկ բնույթի կլինի:

Ըստ սյուժեի՝ նախկինում իրար անծանոթ մի խումբ մարդիկ հայտնվում են Լոս Անջելեսում, որը լքվել է խորհրդավոր աղետից հետո:

Ներկայում պատրաստվում է միայն մեկ սեզոն՝ ութ ժամ տևողությամբ: Քարթերը նպատակ ունի 99 սերիա թողարկել:

Քրիս Քարթերը, այդուհանդերձ, ասել է, որ իր նոր աշխատանքի համար չի ցանկանում «հետապոկալիպտիկ» պիտակավորումը տեսնել:

Նրա համար ոգեշնչման աղբյուր է ծառայել Դանթեի «Աստվածային կատակերգությունը»: