ԱՄՆ-ում ինքնաթիռն արտակարգ վայրէջք է կատարել ապակու ճաքի պատճառով
Ամերիկյան Spirit Airlines ավիաընկերության ինքնաթիռներից մեկը Բոստոն թռչելիս ստիպված է եղել արտակարգ վայրէջք կատարել Հարավային Կարոլինայում։
Ինչպես նշում է Лента-ն, վայրէջքի պատճառը եղել է ինքնաթիռի առջևի մասի պատուհանին առկա ճաքը։ Հայտնի է, որ ինքնաթիռը բարեհաջող վայրէջք է կատարել, և որևէ տուժած չկա։
Ճաքի առաջացման պատճառը դեռևս հայտնի չէ. այժմ մասնագետներն իրականացնում են նորոգման աշխատանքներ։










