Ուկրաինայի իշխանություններն ու անջատողականները պայմանավորվել են Boeing-ի կործանման վայրում անվտանգության գոտի ստեղծելու շուրջ

13:52 • 19.07.14

Ուկրաինայի անվտանգության ծառայության ղեկավար Վալենտին Նալիվայչենկոն հայտարարել է, որ Կիևի իշխանություններն ու անջատողականների ներկայացուցիչները պայմանավորվել են մալայզիական ինքնաթիռի կործանման վայրում 20 կիլոմետրանոց անվտանգության գոտի ստեղծել, տեղեկացնում է gazeta.ru-ն:

 

«Եռակողմ բանակցություններն ավարտվել են նրանով, որ այժմ գոյություն ունի 20 քառակուսի կիլոմետր տարածք, որպեսզի Ուկրաինան կատարի հումանիտար առաքելությունը, վերցնի դիերն ու փոխանցի հարազատներին: Մենք հույս ունենք, որ ահաբեկիչները մեզ աշխատելու հնարավորություն կտան: Եռակողմ խմբում կան նաև Ռուսաստանից ներկայացուցիչներ, և թող նրանք վերջապես պահեն իրենց խոստումը»,- հայտարարել է նա:



Նախօրեին Ուկրաինայի նախագահ Պյոտր Պորոշենկոն Գերմանիայի կանցլեր Անգելա Մերկելի, Նիդեռլանդների վարչապետ Մարկ Ռյուտեի և Լեհաստանի վարչապետ Դոնալդ Տուսկի հետ կողմ են արտահայտվել Ուկրաինայում երկկողմ հրադադարի հաստատմանը:
 

«Մալայզիական ավիաուղիներ» ավիաընկերությանը պատկանող Boeing 777 ինքնաթիռը, որն իրականացնում էր Ամստերդամ- Կուալա Լումպուր չվերթը, վթարի է ենթարկվել հուլիսի 17-ին՝ Ուկրաինայի արևելքում, որտեղ բախումներ են ընթանում:

Ինքնաթիռում գտնվող բոլոր 298 մարդիկ զոհվել են: