Սիրիայի բանակն ու ջիհադականները պայքարում են գազի դաշտի համար
Սիրիայի կառավարական զորքերը արդեն երեք օր է, ինչ դաժան մարտեր են վարում երկրի կենտրոնական Հոմս նահանգում տեղակայված գազի հանքավայրի համար՝ փորձելով այնտեղից դուրս մղել «Իրաքի և Լևանտի իսլամական պետություն» խմբավորման ջիհադականներին:
Ինչպես հաղորդում է BBC-ն՝ Սիրայի ընդդիմությանը վկայակոչելով, մարտերն ընթանում են ինչպես հանքավայրի տարածքում, այնպես էլ դրա շրջակայքում: Հաղորդվում էր 270 զոհի մասին, որոնց մեծամասնությանը, France Presse գործակալության փոխանցմամբ, գլխատել են «Իրաքի և Լևանտի իսլամական պետության» զինյալները:
«Իրաքի և Լևանտի իսլամական պետություն» արմատական սուննի խմբավորումը, որը վերահսկողություն է սահմանել Սիրիայի հյուսիսում, հունիսին հայտարարել էր իսլամական խալիֆայություն ստեղծելու մասին:










