Boeing-777-ի աղետի վայրում հրդեհ է բռնկվել

16:59 • 21.07.14

Ուկրաինայի արևելքում մալայզիական Boeing-777 ինքնաթիռի աղետի վայրում հրդեհ է բռնկվել: Այդ մասին դեպքի վայրից հաղորդում է «Ուկրաինսկայա պրավդա»-ի թղթակիցը:


Այրվում են մահացածների իրերը: Ինչպես նշում է «Ուկրաինսկայա պրավդա»-ի թղթակիցը, հրդեհն առաջացել է եղանակային պայմանների պատճառով:

 

Ավելի վաղ Պյոտր Պորոշենկոն հայտարարել է, որ մինչև հիմա միջազգային մասնագետները մուտք չունեն ավիավթարի վայր: «96 ժամ ներկայացուցիչները սպասում են ողբերգության վայրում հայտնվելուն՝ օբյեկտիվ և անկողմնակալ հետաքննություն սկսելու համար»,- ասել է նախագահը:

 

Պորոշենկոն հանձնարարել է դադարեցնել մարտական գործողությունները Boeing-777 ինքնաթիռի աղետի վայրից 40 կիլոմետր շառավղով ընկած հատվածում: