Ռոբերտ Դաունի-կրտսերը կրկին գլխավորել է ամենաբարձր վարձատրվող դերասանների ցուցակը (լուսանկարներ)
Ամերիկացի դերասան Ռոբերտ Դաունի-կրտսերը 2-րդ տարին անընդմեջ գլխավորում է Հոլիվուդի ամենաբարձր վարձատրվող դերասանների ամենամյա ցուցակը, որը հրապարակում է Forbes հանդեսը, գրում է newsru.com-ը։
Հանդեսի տվյալներով՝ 12 ամիսների ընթացքում 49-ամյա դերասանի եկամուտը կազմել է 75 մլն դոլար։
Ցուցակի 2-րդ տեղում է գտնվում Դուեյն Ջոնսոնը, ով վաստակել է 52 մլն դոլար։ Երրորդ տեղում է Բրեդլի Կուպերը, մեկ տարվա ընթացքում նա վաստակել է 46 մլն դոլար։ Ի դեպ, 2014-ին նա առաջին անգամ հայտնվել է Forbes-ի՝ աշխարհի ամենաազդեցիկ հայտնիների ցուցակում։
Ամենաբարձր վարձատրվող դերասանների լավագույն տասնյակը դասավորվել է հետևյալ կերպ՝
1. Ռոբերտ Դաունի-կրտսեր՝ 75 մլն դոլար

2. Դուեյն Ջոնսոն՝ 52 մլն դոլար

3. Բրեդլի Կուպեր՝ 46 մլն դոլար

4. Լեոնարդո Դի Կապրիո՝ 39 մլն դոլար

5. Քրիս Հեմսվորտ՝ 37 մլն դոլար

6. Լիամ Նիսոն՝ 36 մլն դոլար

7. Բեն Աֆլեք՝ 35 մլն դոլար

8. Քրիստիան Բեյլ՝ 35 մլն դոլար

9. Ուիլ Սմիթ՝ 32 մլն դոլար

10. Մարկ Ուոլբերգ՝ 32 մլն դոլար











