Իտալիայի հարավային շրջաններն «ամայացման» վտանգի առաջ են. ԶԼՄ-ներ

23:20 • 31.07.14

Իտալիայի հարավային շրջանները շուտով կարող են ամայանալ: Այնտեղ հնարավոր է՝ ամբողջությամբ դադարեցվի արդյունաբերությունը:


Ինչպես հաղորդում է РИА Новости-ն՝ Corriere del Mezzogiorno-ին հղումով, Svimez հետազոտական կենտրոնի տվյալների համաձայն՝ Իտալիայի հարավային շրջանները անապատի վերածվելու վտանգի տակ են՝ բնակիչների տեղափոխման բարձր մակարդակի պատճառով, ինչպես նաև՝ կանխատեսվում է տարածաշրջանում արդյունաբերական գործունեության դադարեցում:


Հարավային շրջանների բնակիչները բազմաթիվ տարիների ընթացքում աշխատանքի փնտրտուքներում տեղափոխվում են երկրի հյուսիս, որտեղ ավելի լավ է զարգացած արդյունաբերությունը: Զեկույցի համաձայն՝ իրավիճակն էլ ավելի է սրվել վերջին տարիներին:

 

«Վերջին 5 տարում ծայրահեղ աղքատության մեջ ապրող ընտանիքների թիվը աճել է 2.5 անգամ՝ 443 000-ից հասնելով 1 մլն 140 հազարի», -ասվում է փաստաթղթում: