Մեքսիկայում գերությունից ազատել են 70 ներգաղթյալի
Մեքսիկացի իրավապահներն ազատ են արձակել 70 ապօրինի ներգաղթյալի, որոնց հանցագործները պահում էին ԱՄՆ սահմանից 550 կիլոմետրի վրա գտնվող Մադերո քաղաքի տներից մեկում, գրում է gazeta.ru-ն:
Ազատ արձակված ներգաղթյալների թվում կան Հոնդուրասի, Սալվադորի, Գվատեմալայի, Նիկարագուայի և Կուբայի քաղաքացիներ:
Ներգաղթյալների ազատ արձակման հատուկ գործողությանը մասնակցել է ոստիկանությունը, բանակը և ծովային հետևակը:










