Ջոն Լենոնին սպանողին 8-րդ անգամ մերժել են ներում շնորհել

10:10 • 23.08.14

Լեգենդար երաժիշտ Ջոն Լենոնին սպանած և ցմահ ազատազրկման դատապարտված Մարկ Դևիդ Չեպմենը 8-րդ անգամ դիմել է պայմանական վաղաժամ ազատ արձակման համար, և 8-րդ անգամ համապատասխան հանձնաժողովից մերժում ստացել, հայտնում է korrespondent.net-ը՝ New York Daily News-ին հղումով:

Հանձնաժողովից հայտնել են, որ մտավախություն ունեն, որ նա կշարունակի հանցագործություններ կատարել:
«Մտավախություն կա, որ ազատ արձակվելով՝ դուք կրկին կխախտեք օրենքը»,- ասված է որոշման մեջ:

Չեպմենն իրավունք ունի կրկին դիմել վաղաժամ ազատ արձակման հարցով 2 տարի անց:

Մարկ Չեպմենը կրակել էր The Beatles խմբի անդամ Ջոն Լենոնի վրա 1980 թվականի դեկտեմբերի 8-ին, Մանհեթենում գտնվող նրա տան մոտ: Նա կրակել էր լեգենդար երաժշտի վրա 5 անգամ: