Տանգոյի ռիթմերի ներքո. Բուենոս Այրեսում զույգերը ցուցադրում են իրենց վարպետությունը (տեսանյութ)

Արգենտինայի մայրաքաղաք Բուենոս Այրեսում օգոստոսի 13-26-ն անցկացվում է Տանգոյի աշխարհի փառատոն-առաջնությունը, գրում է РИА Новости-ն։

Զույգերը մրցում են տանգոյի 2 տեսակներում՝ սրահային և բեմական։ Սրահային տանգոն տարբերվում է կատարման զգացմունքայնությամբ, այն դեպքում, երբ բեմականը պարունակում է ավելի բարդ էլեմենտներ տարբեր պարային ուղղություններից։

«Բեմական տանգոյում կան տարբեր մասնիկներ, օրինակ՝ բալետից կամ ջազից, որոնք հնարավոր չէ հանդիպել սրահային տանգոյում»,- պատմել է մրցումների մասնակիցներից մեկը։

«Սրահային տանգոն ավելի զգացմունքային է, քան բեմականը, նրանում է տանգոյի ողջ էությունը։ Մինչդեռ բեմական տանգոն պարունակում է շարժումներ, որոնք հատուկ են նաև տարբեր պարային ոճերի»,- ասել է պարող Ռիկարդո Ալվարադոն։

Այս տարի Բուենոս Այրեսում գրանցվել են ռեկորդային թվով մասնակիցներ՝ ավելի քան 600 պարող 41 երկրներից։ Որոշ զույգեր մասնակցում են միաժամանակ մի քանի անվանակարգերում։