Եղանակն՝ այսօր
Վարչապետը մասնակցել է երիտասարդ ստեղծագործողների ցուցահանդես-մրցույթի բացմանը
Վարչապետ Հովիկ Աբրահամյանը Հայաստանի նկարիչների միությունում մասնակցել է երիտասարդ ստեղծագործողների ցուցահանդես-մրցույթի բացմանը: Այս մասին տեղեկացնում է ՀՀ կառավարության տեղեկատվության և հասարակայնության հետ կապերի վարչությունը։
Վարչապետը շրջել է ցուցասրահներով, ծանոթացել երիտասարդ ստեղծագործողների գեղանկարներին, գրաֆիկական գործերին ու քանդակներին: Ժյուրին տարբեր անվանակարգերում կընտրի լավագույն ստեղծագործությունները, որոնց հեղինակները կարժանանան մրցանակների:
Ցուցահանդես-մրցույթը կազմակերպել են Հայաստանի երիտասարդական հիմնադրամը և Հայաստանի հանրապետական կուսակցության երիտասարդական կազմակերպությունը՝ Երիտասարդության համաշխարհային և Ուսանողության միջազգային տոների առթիվ:
Այնուհետև վարչապետ Աբրահամյանն այցելել է Հայաստանի ազգային պատկերասրահ, ծանոթացել Հայաստանի ժողովրդական նկարիչ, Պետական մրցանակի դափնեկիր Էդուարդ Իսաբեկյանի 100-ամյակի կապակցությամբ բացված ցուցահանդեսում ներկայացված աշխատանքներին:
Studio One