Բոբ Դիլանը համերգ է տվել 1 հոգու համար (լուսանկարներ)

Հայտնի երաժիշտ Բոբ Դիլանը փակ համերգ է տվել Ֆրեդերիկ Վիկինգսսոնի՝ իր շվեդ երկրպագուի համար, գրում է Rolling Stone-ը։

Շոուն տեղի է ունեցել Ֆիլադելֆիայի երաժշտական ակադեմիայում։ Ինչպես խոստովանել է 41-ամյա Վիկինգսսոնը, նրան մինչև վերջին պահը թվացել է, թե համերգն իրականում կատակ է։

«Ես պարզապես չէի կարող պատկերացնել, որ Դիլանն իսկապես դա կանի»,- ասել է նա։

Երաժիշտն իր խմբի անդամների հետ դուրս է եկել բեմ և համերգ տվել միայն մեկ հանդիսատեսի համար։ Ինչպես նշում է ամսագիրը՝ համերգային ծրագիրը տարբերվել է Դիլանի սովորական ծրագրերից։

Մասնավորապես, նրանք կատարել են «Heartbeat»,«Blueberry Hill», «It's Too Late (She's Gone)», ինչպես նաև՝ «բլյուզային խմբակային իմպրովիզացիա»։

Շվեդ երկրպագուի խոսքով՝ նա այնքան լայն է ժպտացել, որ համերգից ժամեր անց էլ նրա ծնոտը ցավացել է։

Նման զարմանալի միջոցառումը կազմակերպվել է Experiment Alone կոչվող վավերագրական սերիալի շրջանակներում։

Թե որքան են վճարել հայտնի երաժշտին սոլո համերգի համար՝ չի նշվում։