Հետաքրքրաշարժ փաստեր Դուբայի մասին (լուսանկարներ)

Դուբայի տնտեսությունն ամենաարագ զարգացողներից է 21-րդ դարում։ Ժամանակին թույլ տնտեսությանն այսօր հաջողվել է այդ քաղաքը վերածել Միջին Արևելքում բիզնես և մշակութային կենտրոնի և գրավել ամբողջ աշխարհի ուշադրությունը։

Տուրիզմի ու անշարժ գույքի ոլորտները տնտեսության հիմնական մասն են և, կարծես, այստեղ չեն ավարտվում նորարարությունների և առաջատար նախագծերի զարգացումներն ու մշակումները։

businessinsider.com-ը ներկայացնում է հետաքրքիր փաստեր աշխարհի ամենաարագ զարգացող քաղաքի՝ Դուբայի մասին։

Աշխարհում յուրաքանչյուր 4-րդ վերամբարձ կռունկը գտնվում է Դուբայում։ Դուբայի անշարժ գույքի շուկան այնքան արագ է զարգանում, որ աշխարհի բոլոր վերամբարձ կռունկների 24%-ը գտնվում է Դուբայում։

Դուբայի Palm Islands-ի կառուցման համար պահանջվել է մոտ 94 մլն խմ ավազ։

Burj Al Arab հյուրանոցի ներքին հարդարանքի համար օգտագործվել է 24 կարատ ոսկի։

Դուբայի ոստիկանությունն իր շքեղ մեքենաներից յուրաքանչյուրի համար ծախսում է այնքան, որքան կպահանջվի մեկ երեխային՝ քոլեջի կրթության համար։

Բնակչության մոտ 85%-ն արտասահմանցիներ են, հիմնականում՝ Հնդկաստանից, Պակիստանից և Բանգլադեշից։

300-1000 դոլար արժողությամբ ռոբոտները փոխարինել են երեխաների ապօրինի աշխատուժն ուղտերի վազքում։

Burj Khalifa հյուրանոցն ունի մոտ կես մղոն բարձրություն և 160 հարկ։

Եթե Burj Khalifa հյուրանոցը լիներ Գերմանիայի Ֆրայբուրգ քաղաքում, այն տեսանելի կլիներ Ֆրանսիայի Ստրասբուրգ քաղաքից։ Այն երևում է 95 կմ հեռավորությունից։

Դուբայում ոսկու պաշարների 40%-ը կշռում է ավելի շատ, քան 354 փիղ միասին։ Աֆրիկյան մեկ փիղը կշռում է 2268-6350 կգ։

2013-ին Դուբայում ավելի շատ զբոսաշրջիկ է եղել, քան չինական Շենչժենի բնակչությունն է՝ ավելի քան 11 մլն մարդ։

Հայտնի Burj Al Arab հյուրանոցի 39%-ը բնակեցված չէ և ավելորդ տարածք է զբաղեցնում։
 

Դուբայում արտադրվում է այնքան նավթ, որը կբավականացնի օրական լցնել 4.5 օլիմպիական լողավազան։

Քաղաքում կառուցվում է 64.3 մլրդ դոլար արժողությամբ զվարճանքների կենտրոն։