Էրդողանը ԿԲ-ին մեղադրել է դավաճանության համար, ինչից հետո դոլարի գինը բարձրացել է
Թուրքիայի նախագահ Ռեջեփ Թայիփ Էրդողանը դարձյալ քննադատել է երկրի կենտրոնական բանկին՝ պնդելով, թե իր համոզմամբ՝ այն արտաքին ճնշման է ենթարկվում:
Նա չի հստակեցրել, թե որտեղից կարող է գալ այդ ազդեցությունը, սակայն հավանաբար նա ակնարկել է ԱՄՆ-ին կամ ԱՄՆ-ում բնակվող թուրք գործիչ, Էրդողանի հակառակորդ Ֆեթհուլլահ Գյուլենին:
Ի դեպ, Էրդողանն առաջին անգամ չէ, որ քննադատում է Կենտրոնական բանկին, և թուրքական լրատվամիջոցները նշում են, որ նման քննադատությունն ազդում է թուրքական արժույթի տատանման վրա:
Էրդողանի ելույթից հետո դոլարի գինը բարձրացել է:










