Մոսկվայում տղամարդը պատանդ է վերցրել նախկին կնոջը

12:50 • 10.03.15

Անհայտ անձը Մոսկվայի Սելեզնյովսկայա փողոցում գտնվող ՌԴ ներքին գործերի նախարարության թանգարանում պատանդ է վերցրել 1 մարդու: Պատանդառուն այնուհետ ազատ է արձակել նրան: Դեպքի մասին «Москва» քաղաքային նորությունների գործակալությանը հայտնել է իրավապահ մարմիններում առկա աղբյուրը:

 

«Դեպքի վայր են ժամանել բոլոր օպերատիվ ծառայությունները, հետագա տեղեկատվությունը ճշտվում է»,- հավելել է գործակալության զրուցակիցը:

 

Պարզվել է, որ նման քայլի է որոշել դիմել պատանդի նախկին ամուսինը: Կոնֆլիկտի պատճառը դարձել է նրանց երեխայի բնակվելու վայրի որոշման շուրջ ծագած վեճը: Տղամարդը եկել է նախկին կնոջ աշխատավայր և պահանջել վերադարձնել երեխային:

 

Ոստիկանների հետ բանակցություններից հետո տղամարդը հրաժարվել է իր պահանջներից և ազատ արձակել կնոջը: