Հունաստանում գողության կասկածանքով Վրաստանի 11 քաղաքացի է ձերբակալվել
Հունաստանի իրավապահ մարմինները Վրաստանի 11 քաղաքացու են ձերբակալել, ովքեր մեղադրվում են հարձակումներ գործելու և գողության համար, հայտնում է newsgeorgia.ru-ն՝ հղում անելով «Ռուսթավի- 2» ալիքին։
Հեռուստաալիքի տվյալներով՝ հանցագործները պարբերաբար մասնավոր տներ են թալանել Ատիկա շրջանում։
Ձերբակալվածների թվում կան կանայք, ովքեր աշխատել են որպես հավաքարարներ և տան սեփականատերերի մասին տեղեկություններ տրամադրել հանցագործներին։
Հունաստանի ոստիկանությունը կոչ է արել տեղի բնակիչներին մեղադրյալների մասին լրացուցիչ տեղեկություններ տրամադրել։










