Նազարբաևը համաձայնել է մասնակցել Ղազախստանի արտահերթ նախագահական ընտրություններին
Ղազախստանի նախագահ Նուրսուլթան Նազարբաևը համաձայնել է մասնակցել արտահերթ նախագահական ընտրություններին, հաղորդում է ria.ru-ն:
«Ես հավանաբար կհամաձայնեմ ձեզ հետ իմ թեկնածությունն առաջադրելու հարցում»,- ասել է Նազարբաևը՝ ելույթ ունենալով իշխող «Նուր Օտան» կուսակցության համագումարում: Սպասվում է, որ մոտ ժամանակներս կկայանա նրա թեկնածությունը պաշտոնապես առաջադրելու քվեարկությունը:
Ղազախստանում արտահերթ նախագահական ընտրությունները նշանակվել են ապրիլի 26-ին, թեկնածուների առաջադրումը սկսվել է փետրվարի 26-ից:
Ավելի վաղ հաղորդվել է, որ Ղազախստանի իշխող «Նուր Օտան» կուսակցության 16-րդ համագումարի ընթացքում առաջարկվել է նախագահի թեկնածու առաջադրել պետության գործող նախագահ Նուրսուլթան Նազարբաևին:










