ՎՏԲ-ի մասնաճյուղի վրա հարձակման արդյունքում տուժածներ չկան
ՎՏԲ բանկի մասնաճյուղի վրա հարձակման արդյունքում տուժածներ չկան. այս մասին հայտնում են բանկի հասարակայնության հետ կապերի բաժնից։
«Այսօր ցերեկը ՎՏԲ-Հայաստան Բանկի «Էջմիածին» մասնաճյուղի վրա տեղի է ունեցել հարձակում: Տղամարդը ներխուժել է բանկ ու գումար պահանջել աշխատակիցներից: Նրան հաջողվել է վնասազերծել: Տուժածներ չկան: Նախաքննությունը վարում է ՀՀ Քննչական կոմիտեի Արմավիրի մարզային քննչական վարչության Վաղարշապատի քննչական բաժինը: Բանկի մասնաճյուղի աշխատանքը վերականգնված է»,-ասվում է հաղորդագրությունում:










