Վարդան Պետրոսյանի գործով վերաքննիչ բողոքը դեռ վարույթ չի ընդունվել
Վարդան Պետրոսյանի պաշտպան Նիկոլայ Բաղդասարյանը Tert.am-ի հետ զրույցում ասաց, որ տուժող կողմի ներկայացրած վերաքննիչ բողոքի վերաբերյալ որոշում չի ստացել:
«Դեռ որևէ որոշում չեմ ստացել բողոքները վարույթ ընդունելու և դատական նիստ նշանակելու մասին»,-ասաց Նիկոլայ Բաղդասարյանը:
Հիշեցնենք, որ դերասան Վարդան Պետրոսյանի գործով տուժող կողմի ներկայացուցիչ Ռուբեն Բալոյանը վերաքննիչ բողոք է ներկայացրել, որով բողոքարկել է առաջին ատյանի դատարանի վճիռը պատժի և հայցի մասերով:










