Հայաստանում պահվող իրանցի 10 դատապարտյալ պատժի մնացած մասը կկրի հայրենիքում

17:37 • 13.03.15

ՀՀ արդարադատության նախարար Հովհաննես Մանուկյանի հանձնարարությամբ  ՀՀ ԱՆ քրեակատարողական վարչությունն իրականացրել  է իրանցի տասը  դատապարտյալի փոխանցումը Հայաստանի Հանրապետությունից Իրանի Իսլամական Հանրապետություն:


Այս մասին հայտնում են ՀՀ ԱՆ տեղեկատվության և հասարակայնության  հետ կապերի վարչությունից։


Փոխանցումն իրականացվել է  փոխադարձության հիման վրա՝ հիմք ընդունելով ՀՀ-ում ԻԻՀ դեսպանության հայտագիրը, ինչպես նաև՝ ՀՀ արդարադատության նախարարի և Հայաստանում ԻԻՀ արտակարգ և լիազոր դեսպանի միջև ձեռք բերված պայմանավորվածությունը: