Պեսկովը պարզաբանել է, թե երբ Պուտինը կներկայանա հանրությանը
Ռուսաստանի նախագահ Վլադիմիր Պուտինի մամուլի խոսնակ Դմիտրի Պեսկովը հայտարարել է, որ ռուս առաջնորդը հաջորդ շաբաթ կայցելի Ղազախստան՝ այդպիսով հերքելով նրա հիվանդության մասին տեղեկությունը, փոխանցում է Обозреватель-ը։
«Երբեմն նա ավելի բաց է, երբեմն՝ քիչ։ Սակայն դա չի նշանակում, որ նա չի շարունակում աշխատասեր լինելու իր ավանդույթը։ Այնպես որ, դա ավանդույթի շարունակություն է, և նրա աշխատանքային գրաֆիկը շատ ծանրաբեռնված է»,- ասել է Պեսկովը։
Նրա խոսքով՝ Պուտինը պատրաստվում է մի շարք հանդիպումներ ունենալ մարտի 13-ին, ինչպես նաև կլինեն որոշ միջազգային շփումներ հաջորդ շաբաթվա ընթացքում, շատ կարևոր հանդիպումներ կառավարության հետ։ Սպասվում է նաև Պուտինի այցը Ղազախստան, որը նույնպես կկայանա հաջորդ շաբաթ։










