Թուրքիայում քրդական հարցի լուծման համար դիտորդական հանձնախումբ է ձևավորվել
Թուրքիայի փոխվարչապետ Յալչըն Աքդողանը հայտարարել է քրդական հարցի կարգավորման համար դիտորդական հանձնախումբ ձևավորելու մասին:
Ինչպես տեղեկացնում է թուրքական «Անադոլու» գործակալությունը, 16 հոգուց բաղկացած խումբը քրդական հարցի լուծման շրջանակներում մասնակցելու է Քրդական աշխատավորական կուսակցության (PKK) առաջնորդ Աբդուլլահ Օջալանի հետ կայանալիք բանակցություններին:
Փոխվարչապետը, սակայն, հերքել է լրատվամիջոցներում հրապարակված հանձնախմբի անդամների ցանկը՝ այն մտացածին համարելով:
Քրդական հարցն այժմ Թուրքիայի Հանրապետության հիմնական առաջնահերթություններից է, և վերջին տարիներին խնդրի լուծման շուրջ բանակցություններ են եղել, որի արդյունքում PKK-ի զինյալները զենքերը վայր են դրել:
Բազմաթիվ տեղեկություններ են եղել նաև քրդերի առաջնորդ Օջալանին ազատ արձակելու վերաբերյալ: Վերջինս Թուրքիայում ցմահ ազատազրկման է դատապարտված և պատիժը կրում է Իմրալը կզում:










