Կուբացի պաշտոնյաներին մեղադրում են միլիոնավոր ձվեր գողանալու համար
Կուբայի դատախազները մտադիր են հասնել 20-ամյա ազատազրկման ժամկետի կուբացի պաշտոնյաների խմբի համար, ովքեր մեղադրվում են պետական ֆերմաներից 8 միլիոն ձու գողանալու համար, գրում է BBC-ի ռուսական ծառայությունը:
Ինչպես գրում է կուբական Granma թերթը, այդ հանցավոր գործունեությունից պետությանը հասցվել է ավելի քան 350 հազար դոլարի վնաս:
Պաշտոնյաները կեղծել են հաշվապահական գրքույկները և ստացականները և ձվերն ուղարկել «սև շուկա»:
Չարագործները հավանաբար հայտնաբերվել են կոռուպցիայի դեմ պայքարի ուղղությամբ արշավի շրջանակներում:
Իշխանությունները կարծում են, որ հանցավոր խումբը, որում ներգրավված է եղել 19 պաշտոնյա, աշխատել է 2012 թվականի հունվարից հոկտեմբեր:










