Սերբիայում հիվանդ երեխայի տեղափոխող ուղղաթիռ է վթարի ենթարկվել

14:56 • 14.03.15

Սերբիայում կործանվել է ռազմական ուղղաթիռ, որում գտնվել է հիվանդ նորածին երեխա։ Նրան Ռասկա շրջանից տեղափոխում էին Բելգրադ՝ հոսպիտալացնելու նպատակով, հայտնում է Лента-ն։

 

Մի-171 ուղղաթիռն ընկել է Բելգրադի Նիկոլա Տեսլայի անվան օդանավակայանից ոչ հեռու։
Ուղղաթիռում եղել են նաև անձնակազմի 4 անդամներ և 2 բուժաշխատող։ Ենթադրաբար, նրանք բոլորը մահացել են։

 

Նախնական տվյալներով՝ վթարի պատճառը եղանակային վատ պայմաններն են եղել։ Այժմ դեպքի վայրը շրջափակված է։

 

Սերբիայի նախարարների կաբինետն արտահերթ նիստ է հրավիրել։