«Մուսուլման եղբայրների» հոգևոր առաջնորդը մահվան է դատապարտվել
Կահիրեի դատարանը մահապատժի է դատապարտել Եգիպտոսում ահաբեկչական կազմակերպություն ճանաչված «Մուսուլման եղբայրներ» շարժման հոգևոր առաջնորդին, գրում է korrespondent.net-ը:
Նրա հետ միասին մահապատժի է դատապարտվել շարժման ևս 13 առաջնորդ:
Մուհամեդ Բադիան անցած տարի արդեն դատապարտվել էր մահապատժի, սակայն այդ ժամանակ վճիռները փոխարինվել էին ցմահ բանտարկությամբ:
Վերջին վճռի վերաբերյալ վերջնական որոշումը կկայացնի գերագույն մուֆթին ապրիլ ամսին:
Ինչպես հիշեցնում է korrespondent.net-ը, Եգիպտոսում դեկտեմբերի սկզբին նախնական մահապատիժ է սահմանվել իսլամիստների 188 աջակցի:










