Գրանադայում բացվել է «Հայոց մշակութային ցեղասպանությունը. առաջ և հետո» խորագրով ցուցահանդեսը

Հայոց ցեղասպանության 100-րդ տարելիցի ոգեկոչման առթիվ Գրանադայի (Իսպանիա) Քրիստոնեության թեմաների ուսումնասիրման միջազգային կենտրոնը` հիմնադիր Խավիեր արքեպիսկոպոս Մարտինեսի գլխավորությամբ, մի շարք միջոցառումներ է նախատեսում իրականացնել 2015 թվականին:

Առաջին միջոցառումը լուսանկարների ցուցահանդեսն է, որը կրում է «Հայոց մշակութային ցեղասպանությունը. առաջ և հետո» խորագիրը: Ցուցահանդեսը բացվել է ապրիլի 9-ին`   Գրանադայի արքեպիսկոպոսարանի Մշակութային կենտրոնում:  Ցուցահանդեսը բաց կլինի մինչև հունիսի 12-ը:

Ցուցահանդեսը կազմակերպվել է Գրանադայի արքեպիսկոպոսարանի Քրիստոնեության ուսումնասիրման կենտրոնի և Հայ ճարտարապետության ուսումնասիրման հիմնադրամի համատեղ ջանքերով:

Ցուցահանդեսին ներկայացվում են  հին և նոր լուսանկարներ, որոնք պատկերում են հայ ժողովրդի քրիստոնեական և մշակությաին ժառանգության վիճակը  նախկինում` մինչև Ցեղասպանությունը և հիմա: