Եղանակն՝ այսօր
ՅՈՒՆԵՍԿՕ-ի ղեկավարը դատապարտել է ԻԼԻՊ-ի զինյալների կողմից Նեմրութ քաղաքի ոչնչացումը
00:19 • 14.04.15
ՅՈՒՆԵՍԿՕ-ի գլխավոր քարտուղար Իրինա Բոկովան կրկին դատապարտել է «Իսլամական պետության» զինյալների կողմից հնագույն Նեմրութ քաղաքի` «Ասորեստանի մարգարտի» ոչնչացումը:
«Ես դատապարտում եմ կործանիչ վայրագ հարձակումը, որն ուժեղացնում է կատարվող իրադարձությունների սարսափը: Դա հաստատում է, որ ահաբեկիչները ոչնչացնում են ո՛չ միայն քանդակներն ու որմնաքանդակները, այլև՝ մուրճերի ու պայթուցիկների օգնությամբ ավերում են ողջ քաղաքը` փորձելով Երկրի երեսից վերացնել Իրաքի ժողովրդի պատմության հետքերը», - ՅՈՒՆԵՍԿՕ-ի ղեկավարի խոսքը մեջբերում է BBC-ն:
ԻԼԻՊ-ի զինյալները տեսանյութ և լուսանկարներ են տարածել, որոնցում պատկերվում է, թե ինչպես են ավերում Նեմրութի հուշարձանները. քաղաքը հիմնադրվել է մ.թ.ա. XIII դարում:
Placeholder
Studio One