Չիչերինայի համերգը մոսկովյան ակումբում ընդհատվել է՝ պայթյունի սպառնալիքի պատճառով

Երգչուհի Յուլյա Չիչերինայի համերգը մոսկովյան Yotaspace ակումբում ընդհատվել է՝ պայթյունի վտանգի մասին ահազանգի պատճառով։ Այդ մասին ՏԱՍՍ գործակալությանը հայտնել է իրավապահ մարմիններում աղբյուրը։

Ավելի վաղ ՏԱՍՍ-ի թղթակիցը դեպքի վայրից հայտնել է, որ համերգն ընդհատվել է այն պահին, երբ երգչուհին կատարում էր վերջին երգը։

Իրավապահների համաձայն՝ ահազանգը ստացվել է մոսկովյան ժամանակով ժամը 22.00-ի սահմաններում, անհայտ անձը հայտնել է ակումբում պայթյունի վտանգի մասին։ Ոստիկանները ժամանել են դեպքի վար, խուզարկել տարածքը, մարդկանց տարհանել։ Այլ մանրամասներ չեն հաղորդվում։