Էնրիկե Իգլեսիասն այսօր նշում է ծննդյան 40-ամյակը (լուսանկարներ)

Մայիսի 8-ին ծննդյան 40-ամյակի առթիվ շնորհավորանքներ է ընդունում իսպանացի երգիչ, երգերի հեղինակ, պրոդյուսեր և դերասան Էնրիկե Իգլեսիասը։

Էնրիկե Իգլեսիասը սկսել է իր կարիերան «Էնրիկե Մարտինես» կեղծանվամբ։ Այժմ նա աշխարհում լատինամերիկյան երաժշտության ամենահայտնի ներկայացուցիչներից է, գրում է РИА Новости-ն։

2003-ին Իգլեսիասը նկարահանվել է Ռոբերտ Ռոդրիգեսի «Մի անգամ Մեքսիկայում» ֆիլմում՝ փողոցային երաժիշտ Լորենցոյի դերում։

Էնրիկե Իգլեսիասը հայտնի երգիչ Խուլիո Իգլեսիասի որդին է։ Մանկության տարիներից նա ակամա դարձել է աշխարհիկ միջոցառումների մասնակից, և այդ ժամանակից ի վեր չի սիրում թանկարժեք իրեր։ Նա ունի շատ միջոցներ և փառք, սակայն նրա սիրելի կերակուրը ֆասթ-ֆուդն է։

Իր կարիերայի ընթացքում նա թողարկել է ավելի քան 40 երգ և 10 ալբոմ, որոնք 116 անգամ դարձել են պլատինե, 227 անգամ՝ ոսկե։