Սահարայի միջազգային կինոփառատոն. աշխարհի ամենահեռավոր և անտեսված փառատոնը (լուսանկարներ)

Ֆիլմերի այս փառատոնը աշխարհի ամենահեռավոր և անտեսվածն է, քանի որ այն կազմակերպվում է Սահարայի անապատում` փախստականների ճամբարում, որտեղ ոչինչ չի աճում և քչերն են այցելում, գրում է BBC-ն։

Ալժիրի Դախլա ճամբարում արևը չափազանց այրող է, որի պատճառով յուրաքանչյուր սարքավորում կարող է հալվել և անպիտան դառնալ՝ նույնիսկ արևային վահանակները։

Գիշերները քամին այնքան ուժեղ է, որ կարող է քշել, տանել վրանները։

Սակայն Fi Sahara արևմտյան Սահարայի միջազգային կինոփառատոնը գրավել է մի շարք հոլիվուդյան աստղերի, ինչպես օրինակ Ջեյմս Բոնդի դերակատար դերասան Խավիեր Բարդեմն է։

Անարդարությունից և անկարողությունից սրտնեղած փախստականները տարվա մեջ մեկ օր կարողանում են  միասին ֆիլմ դիտել և վայելել անապատային երեկոն։

Փառատոնին ցուցադրվել են մուլտֆիլմեր և կարճամետրաժ ֆիլմեր, որոնք նկարահանվել են  փախստական երեխաների կողմից, ինչպես նաև ֆիլմեր՝ ուղարկված Լատինական Ամերիկայից մինչև Ասիական երկրների ռեժիսորների կողմից։