The Beatles–ի անդամ Ջորջ Հարիսոնի կիթառը վաճառվել է 490 000 դոլարով

10:59 • 17.05.15

Բրիտանական աշխարհահռչակ The Beatles ռոք խմբի անդամ Ջորջ Հարիսոնին պատկանող կիթառը աճուրդում վաճառվել է 490 000 դոլարով, գրում է Associated Press-ը։

Mastersound ընկերության 1963-ի արտադրության էլեկտրական կիթառը վաճառվել է անանուն գնորդին։

Ինչպես հայտնել են աճուրդի տանը, այդ կիթառով Հարիսոնը մի քանի անգամ նվագել է Անգլիայում և Նորմանդական կղզիներում տեղի ունեցած համերգների ժամանակ։

Աճուրդում վաճառվել է նաև Էլվիս և Պրիստիլա Փրեսլիի ամուսնության վկայականը, որի վերջնական գինը կազմել է ավելի քան 40 000 դոլար։

Փրեսլիի բեմական կոստյումը, որը նա կրել էր 1975-ին Լոս Անջելեսում համերգի ժամանակ, վաճառվել է 122 000 դոլարով։

Կիսվել այս նյութով

Placeholder

Օրվա կարեվոր