«Մանչեսթեր Սիթիի» հարձակվող Էրլինգ Հալանդը չի կարողանա սեփական նախաձեռնությամբ հեռանալ ակումբից

«Մանչեսթեր Սիթիի» հարձակվող Էրլինգ Հալանդը չի կարողանա սեփական նախաձեռնությամբ հեռանալ ակումբից, նույնիսկ եթե թիմը դուրս մնա Անգլիայի Պրեմիեր լիգայից։ Այս մասին հաղորդում է Sport.es-ը։

Աղբյուրի տեղեկություններով՝ 26-ամյա նորվեգացի հարձակվողի պայմանագրում բացակայում է այն կետը, որը թույլ կտար նրան միակողմանիորեն խզել համաձայնագիրը, եթե «քաղաքայինները» հեռացվեն Պրեմիեր լիգայից։ Սա նշանակում է, որ Հալանդի ապագայի վերաբերյալ որոշումը կայացնելու է բացառապես ակումբի ղեկավարությունը։

Ավելի վաղ մամուլում լուրեր էին շրջանառվում, թե ֆինանսական կանոնների խախտման պատճառով ԱՊԼ-ում տեղը կորցնելու դեպքում աստղային ֆուտբոլիստը մտադիր է լքել թիմը։ Նշենք, որ Հալանդի գործող պայմանագրի ժամկետը մանչեսթերյան ակումբի հետ նախատեսված է մինչև 2034 թվականը։

Հավելենք, որ ընթացիկ մրցաշրջանում նորվեգացին բոլոր մրցաշարերում արդեն մասնակցել է 7 հանդիպման՝ դառնալով նույնքան գոլի հեղինակ։