Եթե էլէներգիայի վնասները չփոխհատուցվեն, ապա հովհարային անջատումները կդառնան առօրյա. Հովիկ Աբրահամյան

12:10 • 25.06.15

Կառավարության նիստի սկզբում խոսելով էլեկտրաէներգիայի  սակագնի բարձրացումից վարչապետն անդրադարձավ այն հարցին, թե ինչ վտանգներ կարող են ծագել, եթե սակագները չբարձրանան, և էներգետիկ համակարգի օբյեկտիվ վնասները չփոխհատուցվեն:


«Եթե նշված վնասները չփոխհատուցվեն, ապա ընկերությունը կշարունակի չվճարել արտադրող կայաններին: Արդյունքում` կունենանք շղթայական ռեակցիա, որը տնտեսության վրա կունենա անդառնալի հետևանքներ: Այսօր անցյալում թվացող հովհարային անջատումները շատ արագ կդառնան առօրյա: Մենք պարտավոր ենք պատասխանատու մոտեցում որդեգրել այս հարցում` ֆինանսապես առողջ համակարգի միջոցով  ապահովելով երկրի էներգետիկ անվտանգությունը: Չեմ կարծում, որ այսօր մենք կարող ենք մեզ թույլ տալ մոռանալ երկրի անվտանգության այս կարևորագույն բաղադրիչի մասին»,- ասաց նա: