Տաջիկստանը քաղաքացիությունից կզրկի արտասահմանում կռվող ահաբեկիչներին

11:06 • 25.06.15

Տաջիկստանի իշխանությունները քաղաքացիությունից կզրկեն նրանց, ովքեր երկրից հեռացել են ահաբեկչական կազմակերպությանն անդամակցելու համար, գրում է lenta.ru-ն:

 

«Քաղաքացիության մասին» օրենքում այդ դրույթն ընդունել է խորհրդարանի ստորին պալատը հինգշաբթի օրը՝ հունիսի 25-ին:

 

Ինչպես բացատրել է մարդու իրավունքների գծով լիազոր Զարիֆ Ալիզոդան, քաղաքացիները կզրկվեն պետության քաղաքացիությունից «ավտոմատ» կերպով, եթե նրանք կռվում են արտասահմանում ահաբեկչական կազմակերպության կազմում:

 

Նոր օրենքը նախատեսում է նաև քաղաքացիության ստացում «ըստ ծննդի»: Տաջիկստանի տարածքում ծնված ցանկացած անձ՝ անկախ իր ծնողների քաղաքացիության պատկանելությունից, կհամարվի պետության քաղաքացի: