Թուրքիայում օդապարիկի վթարի հետևանքով 18 զբոսաշրջիկ է վիրավորվել
Թուրքիայի Կապադովկիայի զբոսաշրջային գոտում օդապարիկի վթարի հետևանքով բազմաթիվ արտասահմանցի զբոսաշրջիկներ են տուժել:
Ինչպես տեղեկացնում է թուրքական «Միլլիյեթ» թերթի կայքը, բռնկվել է օդապարիկում գտնվող գազային խողովակն ու օդապարիկի զամբյուղն սկսել է այրվել:
Դեպքի պահին օդապարիկում մոտ 20 զբոսաշրջիկ է եղել:
Նախնական տեղեկություններով՝ վիրավորվել է 16-18 զբոսաշրջիկ:
Դեպքի վայրում շտապօգնության բազմաթիվ մեքենաներ են աշխատում:










