Երբ քաղաքապետարանը երաշխավորել է, որ գույքը չի վնասվի՝ «Սանիթեք»-ը համաձայնել է իրականացնել Բաղրամյան պողոտայի աղբահանությունը
Երևանի քաղաքապետարան երաշխավորմամաբ «Սանիթեք» կիրականացնի Բաղրամյան պողոտայի աղբահանությունը: Այս մասին ասաց Երևանի քաղաքապետարանի կոմունալ վարչության ներկայացուցիչ Հովհաննես Ահարոնյանը:
Նշենք, որ երեկ «Սանիթեք» ընկերությունը հրաժարվել էր աղբը դուրս բերել Բաղրամյան պողոտայից:
Հովհաննես Ահարոնյանը նշեց, որ նստացույցի առաջին օրերին աղբահանությունը կատարվել է բարձր մակարդակով, բայց քանի որ երկու օր առաջ մեքենայի վրա են բարձրացել ցուցարարները և նրա իսկ խոսքով՝ փորձ է արվել «առգրավել» մեքենան, մասնավոր ընկերությունը սեփական գույքը պահպանելու համար հրաժարվել է աղբահանություն իրականացնել այդ փողոցից:
Քաղաքապետարանի ներկայացուցիչը նշեց, որ քաղաքապետարանը պատասխանատվությունը վերցրել է իր վրա և հանձնարարել ընկերությանը բարձր մակարդակի մաքրություն իրականացնել Բաղրամյան պողոտայում:










