Այսօր լրանում է դերասան Սթիվ Մարտինի ծննդյան 70-ամյակը (լուսանկարներ)

Հոլիվուդյան աշխարհահռչակ դերասան Սթիվ Մարտինն այսօր նշում է ծննդյան 70-ամյակը։ Կատակերգության ոլորտում իր առաջին քայլերը նա արել է՝ հանդես գալով տարբեր ակումբներում՝ որպես խոսակցական ժանրի դերասան։

Նրա A Wild and Crazy Guy և Let's Get Small կատակերգական ալբոմները 1979-ին «Գրեմի» մրցանակ են ստացել, հայտնում է РИА Новости-ն։

Սթիվ Մարտինն ինտելեկտի ամենաբարձր ցուցանիշով մարդկանց ամենամեծ և ամենահայտնի Մենսի կազմակերպության անդամ է։

Համաշխարհային ճանաչում նա ձեռք է բերել «Հիմարը», «Ամբողջովին ես», «Ռոքսանա», «Ինքնաթիռով, գնացքով, մեքենայով», «Ծնողները», «Հարսնացուի հայրը», «Վարդագույն հովազ» ֆիլմերից։

2013թ. Մարտինն արժանացել է «Օսկար» մրցանակի՝ կինոարվեստում զգալի ներդրում ունենալու համար։

Ի դեպ, դերասանն առաջին անգամ հայր է դարձել 67 տարեկանում։