Եղանակն՝ այսօր
«Կոնվերս Բանկը» շնորհավորել է դերասան Միքայել Պողոսյանին ժողովրդական արտիստի կոչմանն արժանանալու առթիվ
«Կոնվերս Բանկը» հյուրընկալեց դերասան Միքայել Պողոսյանին և շնորհավորեց նրան ժողովրդական արտիստ կոչմանը արժանանալու առթիվ. տեղեկացնում է «Կոնվերս Բանկի» հասարակայնության հետ կապերի բաժինը։
Հավաքվածները մաղթեցին Միքայել Պողոսյանին ստեղծագործական նորանոր նվաճումներ՝ ի նպաստ հայկական կինոյի և թատրոնի զարգացման:
«Յուրաքանչյուր հանդիպում Միքայել Պողոսյանի կողմից կերտած օրիգինալ և առատաձեռն կերպարների հետ պարգևում է հանդիսատեսին տոն և ուրախություն՝ իրական արվեստի հետ շփման հնարավորություն: Բանկը միշտ պատրաստ է աջակցել իր լավագույն ընկերներին և բարձր է գնահատում Միքայել Պողոսյանի ներդրումը գեղարվեստական արժեքների ստեղծման և տարածման գործում»,-ասաց Տիգրան Դավթյանը:
Շնորհակալություն հայտնելով ջերմ հյուրընկալության համար՝ Միքայել Պողոսյանը նշեց, որ բարձր է գնահատում «Կոնվերս Բանկի» կողմից ցուցաբերվող ուշադրությունը և աջակցությունը ոլորտին: Հատկապես շնորհակալական խոսքեր հնչեցրեց «Եթե բոլորը…» ֆիլմի ստեղծման աջակցության համար:
Նշենք, որ Միքայել Պողոսյանին «Կոնվերս Բանկի» հետ կապում են երկար տարիների բարեկամական հարաբերություններ, և նա հանդիսանում է նաև Բանկի դեմքը:
Միքայել Պողոսյանը հանդես է եկել «Պարոնայք, ամեն ինչ կործանվում է, բայց դեռ կարելի է ապրել և զվարճանալ», «Արալեզ», «Կամո», «Երևան- Լոս Անջելես- Երևան», «Խաթաբալադա», «Բարի գալուստ» և այլ ներկայացումներում: «Եթե բոլորը…» ֆիլմի գլխավոր դերակատարման համար 2012 –ին Պողոսյանն արժանացել է Բուխարեստի ՄԿՓ-ի մրցանակին :
Studio One