Տաղանդավոր դերասաններ, որոնք արժանի են, սակայն չունեն «Օսկար». AdMe.Ru (լուսանկարներ)

Ստորև ներկայացված դերասաններն ունեն ամեն ինչ` տաղանդ, միլիոնավոր երկրպագուներ, ներքին հմայք, արտաքին գրավչություն։ Միայն նրանց անունները կարող են բազմահազար հանդիսատես հավաքել աշխարհի տարբեր կինոթատրոններում:

Այնուհանդերձ, որքան էլ զարմանալի է, Ամերիկյան կինոակադեմիան դեռևս ըստ հավուր պատշաճի չի գնահատել նրանց տաղանդն ու բաղձալի «Օսկար» մրցանակ չի շնորհել։

AdMe.Ru կայքն ուշագրավ ֆոտոշարքով անդրադարձել է այն դերասաններին, որոնք դեռևս իրենց ձեռքերում չեն պահել ցանկալի արձանիկը.

Բրեդ Փիթ

Հարյուրավոր ֆիլմերում նկարահանված դերասանն իր կարիերայի ընթացքում թեև 3 անգամ ներկայացվել է «Օսկարի», սակայն երբևէ չի հաղթել։

Ջոնի Դեփ

Հիանալի դերասանը, ով վայելում է հանդիսատեսի սերը, ևս 3 անգամ ներկայացվել է, սակայն՝ ապարդյուն:

Ռեյֆ Ֆայնս

Հմայիչ բրիտանացու մասնակցությամբ ֆիլմերից 2-ը` «Շինդլերի ցուցակը» և «Անգլիացի հիվանդը» արժանացել են 7 և, համապատասխանաբար, 9 «Օսկար» մրցանակի, սակայն Ֆայնսն առայսօր մնացել է ձեռնունայն։

Ջիմ Քերի

Աշխարհի, թերևս, ամենահայտնի երգիծական դերասանը, ով նաև կերպարանափոխության մեծ վարպետ է, նույնիսկ չի էլ ներկայացվել «Օսկարի»:

Քիանու Ռիվզ

2000-ական թվականների գլխավոր կինոիրադարձության` «Մատրիցայի» հերոս Քիանու Ռիվզը ևս շարունակում է «երազել» բաղձալի արձանիկի մասին:

Թոմ Քրուզ

Մարտաֆիլմերի աստղ Թոմ Քրուզը 3 անգամ ներկայացվել է «Օսկարի», սակայն Ամերիկյան կինոակադեմիան ըստ հավուր պատշաճի չի գնահատել նրա տաղանդը:

Բիլ Մյուրեյ

Հիմնականում երգիծական ժանրում նկարահանվող դերասանն «Օսկարի» է ներկայացվել 1 անգամ` 2003թ., սակայն մրցանակ չի ստացել: Այնուհադերձ, «Թարգմանության դժվարությունները» ֆիլմում իր դերակատարման համար նա ստացել է «Ոսկե գլոբուս»:

Լեոնարդո դի Կապրիո

Բազմաբնույթ ու տաղանդաշատ դերասանը թեև հայտնի է իր մեկը մյուսից փայլուն դերերով, այնուհանդերձ՝ «Օսկարը» շարունակում է անհասանելի մնալ: Անցյալ տարի, երբ Դի Կապրիոն հերթական անգամ առաջադրվեց և նորից չհաղթեց, համացանցում տարածվեցին անթիվ-անհամար ծաղրական մեմեր։