«Մանկական Եվրատեսիլ-2015» մրցույթում Հայաստանի մասնակիցը զբաղեցրեց 2-րդ հորիզոնականը (թարմացված, տեսանյութ)

«Մանկական Եվրատեսիլ-2015» երգի միջազգային մրցույթում  Հայաստանի ներկայացուցիչ Միկան փայլուն ելույթ ունեցավ, ստացավ  176 միավոր և գրավեց  2-րդ տեղը:

Մրցույթում 185 միավոր ստացավ և հաղթեց Մալթայի ներկայացուցիչը, որին ամենաբարձ՝ 12 միավոր տվեց նաև Հայաստանը:

Մեր մասնակցին ամենաբարձր՝  միավորներ տվեցին Վրաստանը, Նիդեռլանդները, Ռուսաստանը, Բելառուսը:

«Մանկական Եվրատեսիլ-2015» երգի միջազգային մրցույթում Հայաստանի ներկայացուցիչ Միկան փայլուն ելույթ ունեցավ:

Բեմում անկաշկանդ պահվածքով աչքի ընկնող մեր մասնակիցը բեմ էր դուրս եկել Արամ Նիկոլյանի հեղինակած զգեստով:

Համացանցում արդեն տարածվել է Միկայի ելույթի տեսագրությունը:

Մեկնարկեց «Մանկական եվրատեսիլ-2015»-ը: Այս տարի Հայաստանյանը ներկայացնում է  Միկան (Միքայել Վարոսյան), ով ելույթ կունենա 11 համարի ներքո։
 

Միկան կներկայացնի “LOVE” խորագիրը կրող ռոքնռոլ ժանրի երգը:

Երգի երաժշտության հեղինակն է Լիլիթ Նավասարդյանը, խոսքերի հեղինակը՝ Ավետ Բարսեղյանը, երաժշտության և խոսքերի համահեղինակն է Միքայել Վարոսյանը:

Հիշեցնենք, որ մրցույթն այս տարի անցկացվում է  Բուլղարիայի մայրաքաղաք Սոֆիայում: Այս տարվա նշանաբանն է#Discover (Բացահայտի՛ր):

Հաջողություն ենք մաղթում մեր մասնակցին։

Մրցույթի ուղիղ հեռարձակմանը կարող եք հետևել այստեղ: